ANCT ho Komitmentu Internasional

Iha July 2015, Thomas Lopes, Sancho ho Eukuilidis hetan konvite husi WHO Regiaun sudeste aziatiku iha India hodi atende conferensia internasional ho tema atu haforsa papel organizasaun sociedade civil iha setor moras nao contagiosa iha regiaun sudeste aziatiku. Objetivu husi enkontru ne’e hodi hasae kbiit no konsiensia organizasaun sociedade civil no colabora ho governu hodi luta ba dezemvolvimentu fator risku moras nao contagiosa nebe kauza ba prevalensia as ba morbilidade no mortalidade iha nasaun sira iha regiaun sudeste aziatiku

Lansamentu Aliansa Nasional iha Novembro 2015

Novembro 2015 nuudar loron historiku ba ANCT-TL tamba iha tempu ne’e mak rede servisu organizasaun nasional controlo tabaku ne’e coletivamente funda no celebra. Organizasaun ne’e iha comitmentu ona atu servisu ba combate moras lahadaet liu husi organiza aliansa nasional  controlo tabaku. Planu strategia ne’e assinadu ona husi organizasaun membrus ne’ebe sei sai nuudar matadal ba advokasia no prinsipiu servisu ba saude comunidade nebe ho vizaun Ema Timor-Leste sei livre husi moras no mate kauza husi uza tabaku

Workshop Orientasaun Nasional ba Mambru ANCT Konaba Tuberculose no Moras Lahadaet

Iha fulan july 2016 ANCT kolabora ho OMS no MDS organiza workshop orientasaun nasional ba organizasaun sociedade civil membrus hodi komprimenta no implementa planu strategia ANCT 

Treinamentu Hapara Fuma Ba Fumador Sira

Iha data 31-2 September, organiza motivational interview ba enkontru grupo hapara fuma, programa ne’e organiza no kolabora ho Hampton Rotary Club of Melbourne Australia. Ema nain 12 partisipa iha treinamentu ne'e.

Hapara Fuma no Motivasaun Rai Osan

Kria grupo fumador no intervista morivational hapara fuma ba fumadores sira no konvida sira hodi rai osan

ANCT-TL hola Parte iha Programa Lideransa ba Kontrolo Tabaku

Iha 20-25 Juni 2016 ANCT representa husi Sr. Sancho hetan konvite husi Organizasaun The Union Singapura liu husi OMS hodi ba tuir programa lideransa ba controlo tabaku iha Nyi Pi Taw Myanmar ho objetivu; 1. Haforsa abilidade hodi halao planu programa, implementasaun, monitorizasaun no evaluasaun, komunikasaun strategiku no advocasia, 2.  Aplika ba teoria no prinsipiu husi lideransa no pratika diak iha control tabaku hodi servisu ba issue iha nasaun no dezafius sira, 3. Haforsa abilidade lideransa no abilidade halao rede servisu hodi afeta ba dezizaun politika no implementasaun no 4. Atrai no haforsa servisu hamutuk ho parseiro oin oin ba servisu controlo tabaku

ANCT-TL Komemora World No Tobacco Day (WNTD) 31 de Maiu de 2016

Aliansa Nasional Controlo Tabaku (ANCT) komemora Loron Mundial La Fuma Tabaku (World No Tobacco Day) iha dia 30 de Maiu de 2016 kolabora ho membrus ANCT mak hanesan organizasaun Belun Ba Communidade (BBC) Aileu, organizasaun Fundasaun Moris Hamutuk (FMH) Maliana, organizasaun Uniao Joventude ba Progressu Communidade (UJPC) Dili, East organizasaun Timor Patria da Libertaçào Foundation (ESPADA) Dili, organizasaun Hanoin Foun Timor-Leste (HFTL) Lospalos no apoio fundus husi Organizasaun Mundial Saude (OMS).

ANCT organiza atcividade ba Loron Mundial La Fuma Tabaku nebe realiza iha Largo de Lecidere. Atividade Loron Mundial ne hetan mos partisipasaun husi representante Estudante no Universidade balun.
Atividade nebe mak ANCT prepara hamutuk ho membrus, Estudante nomos Universitaria sira mak hanesan:
1. Marca hahu husi Jardim 5 de Maiu ba to’o iha Largo de Lecidere.
2. Conferens de Imprensa ho
3. Fun actividade mak hanesan Dansa Cultura, Bridge dance, Puizia vitima ba tabaku, no teatru impaktu husi fuma.

  • Konferensia da Imprensa

    Sr. Mateus Lemos husi ANCT-TL Lee estatementu ba publiku, koalia kona ba impaktu fuma tabaku ba saude, rekomenda ba governo atu hasa’e taxa importasaun sigaru, rekomend fatin livre husi fuma no fo esklarese ANCT-TL nia papel visaun no missaun.

  • Breves Palavras husi Vice Dekana Fakuldade Saude UNITAL

    Sra. Angelina Juliana, vice Dekanu ba Fakuldade Saude UNITAL hato’o mensagem ba publiku katak "Tabaku sei oho fumadores sira neneik ba neneik e sei estraga fumadores sia nia isin tamba ne’e presija hapara fuma hahu husi agora kedas". Nia mos hatutan tan katak estudante ho Universitaria sira presija hakribi fuma.

  • Long March iha eventu World no Tobacco Day

    ANCT-TL komemora World no Tobacco Day (WNTD) ho atividades long Mars husi Jardim 5 de Maio to'o Largo de Lecidere hodi fo mensagen saude ba publiku

  • Esmeralda M. Lopes, estudante husi Ensinu sekundaria ANNUR mos hato'o nia mensagem ba nia maluk estudante ANNUR atu estudante ANNUR hakribi fuma tamba fuma fo impaktu moras barak. nia mos hatutan tan katak " estudante ANNUR presiza sai exemplu diak ba estudante sira seluk no mos ba nasaun Timor-Leste".

  • Regina Rosalia Amaral, Universitaria Faculdade da siensia Saude UNITAL mos hato'o nia lian ba communidade iu husi comemorasaun ba loron mundial la fuma tabaku katak "Timor-Leste mos tama iha nasaun ida nebe ho pursentu fuma nebe aas tebes tamba deit laiha konsiencia tamba ne hau hakarak rekomenda ba publiku atu labele fuma iha publiku tamba afecta mos ba sira seluk nebe la fuma".

  • Fun Actividade

    ANCT-TL mos organiza fun actividade iha comemorasaun ida ne. aktividade sira mak hanesan: dansa cutura tradisional, poezia no teatru kona ba impaktu husi fuma tabaku ba saude humanu.

Programa Sosializasaun Perigu Fuma Tabaku no Lansa Zona Bandu Fuma

Aliansa Nasional Controlo Tabaku Timor-Leste (ANCT-TL) liu husi programa sosializasaun perigu tabaku no Lanca Zona bandu fuma promove projevtu fundu kiik ida hanaran Fundu Advocasia Controlo Tabaku (FACT) iha tinan 2016 objetivu husi FACT mak atu halo actividade sosializasaun, educasaun saude, fahe informasaun perigu fuma (Prevalensia Morbilidade no Mortalidade) no promove zona livre tabaku iha fatin publiku, nebe organiza husi membrus ANCT-TL no servisu hamutuk parseiru sira hanesan Ministeriu Saude, WHO no stake holder sira hanesan Autoriedade Municipal no Lideres lokais, grupo komunidade hodi involve no kontribui ba hamenus prevalensia morbilidade no mortalidade relasiona ho epidemia tabaku iha municipiu 13 nia laran

FACT realiza iha municipiu 4 mak hanesan : Municipiu Liquica nebe organiza husi Organizasaun Uniaun Juventude ba Progressu Comunidade (UJPC), Municipiu Aileu organiza husi : Organizasaun Rural Youth Action (RYA) no servisu hamutuk ho Organizasaun BBC no FBD, Municipiu Lautem organiza husi organizasaun Sub Commisaun Justica e Pas (SCJP) servisu hamutuk ho Organizasaun Esperansa Lorosa’e (ELSA) no Municipiu Dili Organiza husi organizasaun East Timor Patria Libertasaun (ESPADA) servisu hamutuk ho Conselho Juventude Muncipiu Dili (CJMD), 

  • SCJP organiza atividade sensibilizasaun konaba perigu uza Tabaku

    Organizasaun SCJP (Sub Comisaun Justisa e Paz) kolabora ho organizasaun ELSA (Esperansa Loros`ae) realiza programa sensibilizasaun konaba impaktu fuma tabaku no strategia ba aksaun prevensaun e lanca zona proibidu fuma iha fatin SPP Fuiluro Lautem iha dia 15 de Outobru de 2016 ne’ebe hetan participa husi estudante secundaria SPP Fuiluro inklui professor/a SPP Fuiluro no oradores ba atividades ne’e mak : Delegasaun Saude Municipiu Lautem, Chefe Edukasaun Municipal no ANCT-TL

  • Lansa Zona Bandu Fuma iha SPP Fuiluro

    ANCT-TL hamutuk ho Delegasaun Saude Municipiu Lautem no Chefe Edukasaun Municipal no Director SPP Fuiloru halo lansamentu fatin bandu fuma ba Escola SPP Fuiloro







  • RYA kolabora ho BBC no FBD organiza atividade sensibilizasaun konaba perigu uza Tabaku

    Organizasaun RYA (Rural Youth Action) kolabora ho organizasaun BBC (Belun ba Comunidade) no organizasaun FBD (Feto ba Dezemvolvimentu) realiza programa sensibilizasaun kona ba impaktu fuma tabaku no strategia ba aksaun prevensaun iha salao bombeiros Aileu iha dia 18 de Outobru de 2016 ho nia tema ba programa mak hanesan “ Hamutuk Redus Fuma Hodi Kontribui ba Moris Saudavel”, atividades ne’e participa husi representante presidente autoriedade Municipiu Aileu, Pontu Focal NCD, Leader local, organizasaun sociedade civil no universitarius

  • UJPC organiza atividade sensibilizasaun konaba perigu uza Tabaku

    Organizasaun Uniaun Juventude ba Progresu Communidade (UJPC) realiza programa sosializasaun kona ba efeitu husi uza tabaku ba ema nia saude no strategia ba aksaun prevensaun iha fatin Salao administrasaun de Municipiu Liquisa iha dia 20 de Outobru de 2016 no partisipa husi Presidente Autoriedade Municipiu, Leader local sira, reprezetante da PNTL municipiu Liquica, delegasaun saude, professors, autoriedades saude, no estudante.

  • ESPADA organiza enkontru publiku controlo Tabaku iha nivel municipiu Dili

    Organizasaun ESPADA (East Timor Pàtria Libertacão) kolabora ho organizasaun organizasaun Conselho Juventude Municpiu Dili (CJMD) halao programa enkontru publiku Nivel Municipiu iha dia 16 de Novembru ho objectivu atu; hakbiit konhesementu entidades identifikadus iha municipiu Dili atu iha konhesimentu dahuluk hodi proteze area servisu fatin inklui atu fo atensaun sedu ba Timor oan hotu kona ba perigu uza tabaku”. Iha programa ne’e hetan mos partisipasaun Adjunto presidente autoriedade Municipiu Dili, Lider local, PNTL, FDTL, WHO, CNJTL, Universitarius, ONGs,

I Primeiro Assembleia Annual ANCT-TL 2016

ANCT-TL organiza primeiro assembleia annual iha fulan Novembro 2016 iha Dili, hamutuk ho membrus ANCT-TL iha Municipius ho tema “Hare fila fali Forsa, Frakeja Oportunidade no Obstaklu “objetivu husi assembleia annual ne’e mak; Atu apresenta relatoriu atividades no finansas durante tinan ida husi secretariado nasional no membrus, halo planu aksaun atividades 2017 ba ANCT-TL no aprova pontu focal ANCT-TL iha Municipius, assembleia annual ne'e hola parte mos husi: Representante Organizasaun Mundial Saude (OMS) ho Deakin University